Английн Челтнем хотын иргэн 97 настай Бетти Бромаж онгоцны далавчин дээр зогсоогоороо ниссэн хамгийн өндөр настай эмэгтэй болжээ.
Тэрээр 87 наснаасаа хойш 6 удаа онгоцны далавчин дээр зогсоогоороо ниссэн туршлагатай бөгөөд 4 жилийн өмнө тогтоосон Гиннесийн рекордоо ийнхүү эвдсэн байна. ITV сувгийн мэдээлснээр Бетти өмнөх рекордоо эвдэхийн тулд онгоцны далавчин дээр зогсож, онгоц хөөрч газардахтай нийлэн агаарт 5 минут болсон байна.
Тэрээр уг үзүүлбэрээрээ өмнөх рекордоо эвдэхээс гадна 2025 оны 8-р сард харвалт өгснийхөө дараа хэвтэн эмчлүүлж байсан Челтнемийн Ерөнхий эмнэлэгт хандив босгосон байна. Good Morning Britain нэвтрүүлэгт өгсөн ярилцлагадаа Бетти хэдэн жилийн дараа уг үзүүлбэрээ дахин давтах хүсэлтэйгээ илэрхийлжээ.
